40 урынга исәпләнгән кардиология 1 бүлеге МКДЦда 2004 елның 20 декабрендә ачыла. Бу кардиохирургия операциясе ясау, катлаулы кардиологик авырулы кешеләрне күзәтү, дәвалау, коронарография ярдәмендә пациентларның кан тамырлары халәтен ачыклау өчен кирәк була.

Аңарчы диагностика бүлеге кысаларында терапия хезмәте эшли, ә дәвалау амбулатор рәвештә алып барыла. Стационарда дәвалый башлагач, диагностика бүлеген кардиология дип үзгәртү карары кабул ителә.

Без дәвалыйбыз

• Йөрәктәге ишемия авырулары: коронароангиография уздыру өчен II-IV ФК дәрәҗәдәге стенокардияне. Алга таба дәвалану төре билгеләнә (стентлау, аорта-коронар шунтлау);
• Артериаль гипертониянең катлаулы төрләре (шул исәптән симптоматик гипертензия) вакытында ддифференциаль диагностика уздырыла, гипотензив терапия билгеләнә.
• Йөрәк эшчәнлегендә хроник җитезсезлек булганда гипертрофик кардиомиопатияне, йөрәктәге ишемия авыруларын (коронароангиография);
• Йөрәктә хроник җитешсезлек күзәтелгәндә (ХСН 2а, ФК 3 артмаса) һәм йөрәк ритмы катлаулы төстә бозылганда дилатацион кардиомиопатия (ДКМП);
• Уртача йөрәк җиткелексезлеге сәбәпле барлыкка килгән йөрәк зәгыйфьлеге (ХСН IIа, ФК III артмаса).

Дәвалау ысуллары

Пациентны заманча югары технологияле күзәтү ысуллары кулланып тикшерәләр. Болар:

• ЭхоКС, үңәч аша үткәрелә торган эхокардиоскопия, тәүлек буе мониторинг алып бара торган ЭКГ һәм АД, көч куллану пробалары, стресс визуальләштерә торган алымнар (стресс-ЭхоКС, миокард сцинтиграфиясе);
• миокардның яшәргә сәләтлелеген билгеләү (добутаминлы стресс-ЭхоКС), үпкә күләмен һәм альвеоляр диффузияне тикшерү;
• кан тамырларына ультратавышлы допплерография уздыру, ангиография һәм коронарография, мультиспираль компьютер томографиясе, МР-йөрәк томографиясе.

Шулай ук клиник, биохимик, иммунологик, цитологик һәм баклаборатория мөмкинлекләре кулланыла. Тотрыклы артериаль гипертензия булган авыруларны дәвалау өчен бүлектә яңа алым – бөер артерияләренә радиоешлыклы денервация үткәрелә.

Пациентлар саны һәм категориясе

Бүлектә коронароангиография узган пациентлар ята, алга таба аларга дәвалану төре билгеләнә (стентлау, аорта-коронар шунтлау). Монда шулай ук башка чир белән бер үк вакытта ишемия сырхаулары булганнарга дифференциаль диагностика үткәрелә, алга таба аларны операциягә дә әзерлиләр.

Кагыйдә буларак, пациент – авыр хәлдәге кешеләр, алар инде башка стационарларда тикшеренү узган һәм хәзер бай тәҗрибәле һәм югары нәтиҗәләргә ирешергә мөмкинлек бирә торган җиһазлар белән эш иткән МКДЦ белгечләренең ярдәменә мохтаҗ.